Son ar gevier

Selaouit ar ganaouenn (e traoñ ar prenestr)
pe pellgargit anezhi

Ar sac'had gevier-mañ a zo moarvat souezhusoc'h eget ar re all ken int bet lakaet da ditl ar ganaouenn. An istor kontet er ganaouenn-mañ a zo farsus ha dudius, hag ouzhpenn-se e c'heller dañsal ar ront Pagan en ur ganañ anezhi.

Evezhiadennoù yezh
An destenn n'eo ket diaes e-keñver geriaoueg met distag eo ar c'houpledoù an eil re diouzh ar re all e-keñver ster. Neuze eo start derc'hel soñj eus dibun ar ganaouenn.

Sonstudi

An ton-mañ a zo un ton « dañs ront ».

Start e vo avat lakaat diouzhtu ar vugale da ganañ ha da zañsal war ar memes tro.

Gwelloc'h e vo deskiñ ar ganaouenn en a-raok.

Pozioù

Sonskrid

Ton ha pozioù (pellgargañ anezhañ e stumm PDF) :

Kelenn

Live : kelc'hiadoù 2 ha 3.

Mod da renkañ ar c'hlas : kaner + strollad diskan ; pe daou strollad.

Lakaat e pleustr :

Evit sikour an deskiñ e vo frouezhus kinnig skeudennoù o tiskouez pep a boz-kan eus ar ganaouenn. Ar skeudennoù a c'hell bezañ fardet gant ar skolidi o-unan. Ar mestr-skol a ziskouez neuze ar skeudennoù an eil re war-lerc'h ar re all.

3 stumm a c'heller lakaat e pleustr :
1. Klas a-bezh penn-da-benn.
2. Daou strollad, unan o kanañ ar pozioù-kan, egile o tiskanañ.
3. Ur c'haner hag ur strollad diskanerien ; cheñch ar c'haner pep daou pe dri foz-kan a sikouro evit an deskiñ.

Diwallit : bec'h a vez alies gant an « turmadira » a zo da vezañ kanet asambles a-greiz-tout.

Evit kaeraat ar c'han e vo brav seniñ an ton ouzh ar fleüt pigos pe ouzh ar c'harilhon. Mirout ur pennadig evito, e-kreiz ar ganaouenn, da skwer.

Dielloù

An dud

Kan : Yann-Ber Premel ha Paotred Ploneour (strollad diazezet e 2000)

A bep seurtSonioù-gevier

« Ne lavaran ket gaou / nemet ur ger pe zaou »…

Goude mare ar c'hanaouennoù da luskellat ar babigoù hag hini ar c'hanaouennoù kentañ evit ar vugale e teu mare ar sonioù-gevier. Ur bern dioute a vez kanet ken e Breizh-Izel ken e Breizh-Uhel. Sonioù farsus int peogwir e tegas pep poz kan ur gaou nevez, brasoc'h eget an hini a oa a-raok. Gant an aridennadoù gevier-se e vez desket en ur c'hoarzhin leun a c'herioù nevez dre an eñvor.

DañsoùDañs-ront

Dañs-ront 8 pred eus ar Vro Bagan

Dibar eo dañs-ront ar Vro Bagan, e-touez an dañsoù-ront kozh 3 c'hammed a bleustrer en arvor, abalamour d'ar savadennoù divrec'h ha d'al lammoù a vez graet gant an dañserien.

Stumm ha doare d'en em zerc'hel

E kelc'h emañ an dañserien, a-dal d'ar c'hreiz anezhañ. En em zerc'hel a reont dre ar biz-bihan peurvuiañ, paotred ha merc'hed a-bep-eil. Ingal e vez implijet ar biz-gwalenn gant ar merc'hed.

Hep fin ebet, e pebeil ur pennad kerzhet berr war an tu kleiz hag ur pennad kerzhet berr war an tu dehou, par o hed.

Da gomañs e talc'h an dañserien o daouarn en nec'h. Neuze e kont ar rener a vouezh uhel « Unan, daou, tri, rount (pe pevar, a-gleiz…) » Gouzizañ a ra prim an dañserien o divrec'h betek mont pelloc'h eget al lodenn a-dreñv eus o c'horf. En em glevet a reont hag unvaniñ o c'hammedoù a-raok d'ar c'han kregiñ zoken. Ar rener a stag ganti n'eus forzh pegoulz.

Kammedoù

Div lodenn a c'haller gwelet :

E-pad al lodenn gentañ e kerzher a-hed ar c'helc'h en ur vont-dont. Mont a ra an divrec'h da-heul ar fiñv.

E-pad an eil lodenn e tro pep dañser war-du an dañserez dehou pe kleiz a-bep-eil, e fin pep pennad kerzhet. Muioc'h a lusk a vez gant an dañs neuze, ken e lammiker a-wechoù zoken.

An dud

E-pad al lodenn gentañ e vez monedone gant an dañserien war an tu kleiz ha war an tu dehou : 3 c'hammed war an tu kleiz, ar 4^e pred o vezañ ur c'hammed lammet gant un taol troad skañv. Memes mod e reont 3 c'hammed war an tu dehou, hag ar memes kammed lammet en 8^vet pred.

Formulenn ar skorioù :

C'hoarvezout a ra an eil lodenn eus ar monedone-se ivez, met primoc'h e vez ar c'hammedoù ha disheñvel e vez an dilec'hiadenn war al leur abalamour d'an treiñ.