Selaouit ar ganaouenn (e traoñ ar prenestr)
pe pellgargit anezhi
Gallout a rafemp lavarout ez eo ar ganaouenn-mañ unan eus arouezioù ar Vro Vigoudenn. Anavezet eo ivez gant an titl « Ur gêr e-kichen Konk ».
Al lodenn gentañ nemetken a glever war ar CD. An destenn en he fezh a gaver en diell stag.
Evezhiadennoù yezh
An destenn-mañ a zo e-touez ar re vrudetañ er Vro Vigoudenn.
Dibabet zo bet kinnig ar c'houpledoù kentañ anezhi ; an destenn en he fezh a c'heller kavout en diell stag.
Sonstudi
Ar mentadoù 6/8 a zegas ul lusk plijus d'ar ganaouenn.
An ton hag ar pozioù a zo aes da zeskiñ.
Pozioù
Al labousig er c'hoad
Melen e zivaskell
A ziskenn bep mintin
War gornig ma mantell
Hag a lavar kalz traoù din
Mar karfen en krediñ
Ma timezit ar bloaz-mañ
Na gemer ket un intañv
Kar kalon un intañv
'Zo chagrin noz ha deiz
Kalon un den yaouank
A zo joaius ha gae
Deuit ganin 'ta plac'h yaouank
Deuit ganin d'am batimant
Ha ni vo pinvidik
Gant aour ha gant argant
Sonskridoù
Pellgargañ ar sonskridoù e stumm PDF
Sonskrid 1
Ton ha pozioù :
Sonskrid 2
Kan hag eilerezh evit an delenn :
Kelenn
Live : kelc'hiadoù 2 ha 3.
Mod da renkañ ar c'hlas : klas a-bezh.
Lakaat e pleustr :
N'eus tamm diaester ebet da vat er ganaouenn-mañ, setu e vo aes lakaat bugale ar c'helc'hiad 2 d'he c'hanañ.
En dielloù stag e kavoc'h an eilañ a zo bet skrivet evit an delenn hag a c'hell bezañ sonet ivez ouzh ar piano pe ur c'hlavier bennak.
Dielloù
An dud
Kan : Ifig Flatrès (ganet e Pont-’n-Abad e 1967)
Telenn : Gwennola Roparzh (ganet e Brest e 1955)
MammskridoùAl labousig er c'hoad
– 1 –
Al labousig er c'hoad
Melen e zivaskell
A ziskenn bep mintin
War gornig ma mantell
– 2 –
Hag a lavar kalz traoù din
Mar karfen en krediñ
Ma timezit ar bloaz-mañ
Na gemer ket un intañv
– 3 –
Kar kalon un intañv
'Zo chagrin noz ha deiz
Kalon un den yaouank
A zo joaius ha gae
– 4 –
Deuit ganin 'ta plac'h yaouank
Deuit ganin da'm batimant
Ha ni 'vo pinvidik
Gant aour ha gant argant
– 5 –
Gwelloc'h 've din neuze
'N em deurel 'barzh ar mor
Evit mont d'an Angleter
Da gollet ma enor
– 6 –
Ur plac'h kollet he enor
'Zo atav maleürus
Ofañs a ra Doue
Koll a ra he vertuz.
(Hengounel)
