Dastumad enrolladennoù TES Distreiñ da lec'hienn TES
Dielloù tost
Ar biz-meud (rimadell)
• Gant Mona Bouzec ha Maryvonne Berthou
• Tennet eus 1, 2, 3… Rimadelloù a ri ! + Gwelet an holl enrolladennoù tennet eus 1, 2, 3… Rimadelloù a ri !
Jestroù ar rimadell, evit ar skolaerien pe ar gerent c'hoant ganto reiñ buhez d'ar rimadelloù.
Rimadell skrivet gant Goulc'han Kervella.
TESTENN :
Ar biz-meud ouzh ar biz-meud
Pehini an hini kreñvañ ?
Hini ebet, genaoueg,
Heñvel-poch int o-daou !
Ar biz-yod ouzh ar biz-yod,
Pehini an hini sotañ ?
Hini ebet, genaoueg,
Heñvel-mat int o-daou !
Ar biz-bras ouzh ar biz-bras,
Pehini an hini brasañ ?
Hini ebet, genaoueg,
Heñvel-mik int o-daou !
Ar biz-gwalenn ouzh ar biz-gwalenn,
Pehini an hini treutañ ?
Hini ebet, genaoueg,
Heñvel-buhez int o-daou !
Ar biz-bihan ouzh ar biz-bihan,
Pehini an hini bihanañ ?
Hini ebet, genaoueg,
Heñvel-poch int o-daou !