Dastumad enrolladennoù TES Distreiñ da lec'hienn TES
Dielloù tost
Joli koukou (kanaouenn)
• Gant Claude Lintanf ha Jean-Do Robin
• Tennet eus C’hoari e brezhoneg (CD) + Gwelet an holl enrolladennoù tennet eus C’hoari e brezhoneg (CD)
Akordeoñs : Patrick Le Poul.
⇧ Selaouit an enrolladenn (e krec'h ar bajenn) ⇧ pe pellgargit anezhi
TESTENN :
Ur plac’h yaouank diwar ar maez, joli koukou (2 wezh)
’Oa aet d’ar vilin un nozvezh, joli, joli, joli
’Oa aet d’ar vilin un nozvezh, joli koukou
’Toull ar vilin pan erruas
Ar miliner a gouske c’hoazh
Savit alese miliner
Malañ ma sac’had d’vont d’ar gêr
Petra zo ganeoc’h ’n ho sac’had
Pan oc’h fenoz ken diwezhat ?
Kerc’h ha segal ha gwinizh-du
P’emañ ho milin war he zu
Pe war he zu, pe n’emañ ket
Ho sac’had ed-du ’vo malet
Ha dre ma’z ae ar greun er gern
Ar miliner a boke ferm
Ha dre ma’z ae ar greun er bank
Ar miliner a boke stank
Ha dre ma’z ae ar bleud er sac’h
Ar miliner ’boke d’ar plac’h
Hola, hola ’ta miliner
Torret ’peus las ma zavañjer
Kemenerien a zo ba ’r vro
C’hwi a glasko, me a baeo.