• Gant Fulup ar Gwern ha Claude Lintanf
• Tennet eus C’hoari e brezhoneg (CD) + Gwelet an holl enrolladennoù tennet eus C’hoari e brezhoneg (CD)
Akordeoñs : Patrick Le Poul.
⇧ Selaouit an enrolladenn (e krec'h ar bajenn) ⇧ pe pellgargit anezhi
TESTENN :
An deiz all ’penn ur bern plouz
An deiz all ’penn ur bern plouz
An deiz all ’penn ur bern plouz
Me ’soñje kousket didrouz
Me ’glevas en traoñ ur son
Evel ’n dije redet ul loen
Neuze ’tremenas ur yar
Ha ganti ’krene an douar
War he lerc’h ur pikol louarn
Piket gantañ e zivskouarn
Neuze ’tremenas ul louz
A rae c’hoazh muioc’h a drouz
Neuze ’tremenas ul louz
’Drailhas din ma chupenn voulouz
Al laboused ’beg ar gwez
’Lâre an eil d’egile :
Gwashoc’h eo ar sparfell rous
Evit al louarn hag al louz
Ar sparfell rous gant he beg kamm
a lazh an tad, ’displuñv ar vamm.
Ar c’hentañ hini ay d’an ifern
A vo debret kig hag eskern.
Neuze ’teuas ur pilhaouaer
Da werzhañ pilhoù en tier.
’Azezas deus ma c’hostez
’Vit ober e gousk kreisteiz.
Ne oa ket c’hoazh azezet
Me ’wele al laou ’redek.
Ho, skarzhit, pilhaouaer lous,
Na skarzhit diwar ma flouz.